Monday, October 19, 2015

അക്ഷരപൂജയുമായി ഒരു പകൽ

അക്ഷരപൂജയുമായി ഒരു പകൽ














വളർന്നു വരുന്ന കുരുന്നുകൾക്ക്മുന്നിൽ അക്ഷരദിപം തെളിക്കുവാൻ നായരമ്പലം സർഗ്ഗവേദി ഒരുക്കിയ “അക്ഷരപൂജ“ എന്ന ഹൃദ്യമായ ഒരു ഏകദിന കാവ്യാനുശീലന ശില്പശാല ഒക്ടോബർ 18 നു നായരമ്പലത്തു നടന്നു. അക്ഷരശ്ലോകസദസ്സ്, പദ്യംചൊല്ലൽ എന്നീകലകൾ സമന്വയിപ്പിച്ചാണു ഈ നൂതന കലാവിരുന്ന് സർഗ്ഗവേദി സംഘടിപ്പിച്ചത്. കവി ശ്രീ എൻ. കെ. ദേശം ശില്പശാല ഉദ്ഘാടനം ചെയ്തു. അമ്പതോളം കുട്ടികൾ പങ്കെടുത്ത ശിലപ്ശാലയിൽ നിന്ന് നവനീത കെ ആർ, ദേവനാഥ് ശ്രീലക്ഷ്മി എന്നീ കുട്ടികളെ പ്രതിഭകളായി തെരഞ്ഞെടുത്ത് നേത്രമംഗലത്ത് പത്മിനിയമ്മട്ടീച്ചർ സമാരക പ്രതിഭാപുരസ്കാരങ്ങൾ നൽകി. പങ്കെടുത്ത എല്ലാകുട്ടികൾക്കും പ്രോത്സാഹന സമ്മാനവും നൽകി. ശ്രീ ധർമ്മൻ തച്ചങ്ങാട് അദ്ധ്യക്ഷം വഹിച്ച സമാപന സമ്മേളനത്തിൽ വച്ച് കലാശ്രേഷ്ഠ പുർസ്കാര ജേതാവ് വി. എസ്. രവീന്ദ്രനാഥ്മാസ്റ്റർക്ക് ആദരം, ശ്രീ ഷാജി നായരമ്പലം രചിച്ച രാമായണക്കാഴ്ചകൾ (കാവ്യം) രണ്ടാം പതിപ്പിന്റെ ഉദ്ഘാടനം എന്നിവയും മുഖ്യ്യാതിഥിയായെത്തിയ ശ്രീ മങ്കൊമ്പു ഗോപാലകൃഷ്ണൻ നിർവഹിച്ചു. കവി ഷാജി നായരമ്പലം, ഡോ രാജേഷ്, പി വി കൃഷ്ണൻ കുറൂർ, ജയപാലൻ മാസ്റ്റർ ശ്രീമതിമാർ നന്ദകുമാരിട്ടീച്ചർ, അമ്മിണിട്ടീച്ചർ, ജ്യോതിട്ടീച്ചർ എന്നിവരാ യിരുന്നു അക്ഷരപൂജക്കു നേതൃത്വം വഹിച്ചത്. സർഗവേദി ഈ വർഷം തന്നെ നടത്തുന്ന ലേഖന മത്സരം സംബന്ധിച്ച പ്രഖ്യാപനവും ചടങ്ങിൽ നടന്നു.

Monday, April 15, 2013

എം.കെ.പവിത്രന്‍ സ്മാരക അവാര്‍ഡിന് രചനകള്‍ ക്ഷണിക്കുന്നു.

നായരമ്പലം സര്‍ഗ്ഗവേദിയുടെ ആഭിമുഖ്യത്തില്‍ 2013 മെയ് 26 നു സംഘടിപ്പിക്കുന്ന ശ്രീ എം.കെ. പവിത്രന്‍ അനുസ്മരണചടങ്ങുകളുടെ ഭാഗമായി  കവിത, കഥ , ഉപന്യാസ മത്സരങ്ങള് ( മലയാളം ) നടത്തുന്നു. എം.കെ പവിത്രന്‍ സ്മാരക കവിതാ അവാര്‍ഡിനായി 30 വരിയില്‍ കവിയാത്ത കവിതകള്‍ സമര്‍പ്പിക്കാം.പ്രായ പരിധിയില്ല.20 വയസ്സിൽ താഴെ പ്രായമുള്ളവർക്കു മാത്രമാണു് കഥ , ഉപന്യാസം എന്നീ മൽസരങ്ങളിലെക്ക് രചനകൾ അയക്കാവുന്നത്. കവിത, കഥ എന്നീ മൽസരങ്ങൾക്ക് വിഷയം  നല്‍കിയിട്ടില്ല. ഉപന്യാസത്തിനുള്ള വിഷയം “എന്റെ ഭാഷ എന്റെ അമ്മ“ എന്നതാണ് രചനകളുടെ കയ്യെഴുത്തുപ്രതികളുടെ 3 പകർപ്പുകൾ വീതം  അയക്കേണ്ടതാണു്. സമയ പരിധിക്കകം സമർപ്പിക്കപ്പെടുന്ന രചനകളിൽ നിന്നും അർഹമായ  10 രചനകള്‍ വീതം  സ്കീനിംഗ് കമ്മിറ്റി തിരഞ്ഞെടുക്കുകയും അവയിൽ നിന്ന് വിദഗ്ദ്ധ ജൂറി മെയ് 26നു പുരസ്കാരജേതാക്കളെ പ്രഖ്യാപിക്കുന്നതുമാണ്. കവിതാ വിഭാഗത്തില്‍ തിരഞ്ഞെടുക്കപ്പെടുന്ന കവികളെ അനുസ്മരണ ദിവസം രാവിലെ ശ്രീ എം കെ പവിത്രൻ മാഷിന്റെ വസതിയില്‍ വെച്ച് നടത്തപ്പെടുന്ന കാവ്യസംഗമത്തില് പുരസ്കാര പരിഗണനയ്ക്ക് സമർപ്പിച്ച കവിതകൾ അവതരിപ്പിക്കുവാൻ ക്ഷണിക്കുകയും, ആ സദസ്സിൽ വച്ച് ആവശ്യമായ  വിലയിരുത്തലുകള്‍ നടത്തി പുരസ്കാര ജേതാക്കളെ നിശ്ചയിക്കുന്നതുമാണു്..കഥ,ഉപന്യാസം എന്നീ ഇനങ്ങളിലെ തെരഞ്ഞെടുക്കപ്പെടുന്ന മൽസരാർഥികളുമായും അന്നേദിവസം തന്നെ ബന്ധപ്പെട്ട ജൂറി ഉചിതമായ രീതിയിൽ മുഖാമുഖം നടത്തി പുരസ്കാര ജേതാക്കളെ തെരഞ്ഞെടുക്കും
മെയ് 26 നു വൈകുന്നേരം നായരമ്പലം കൊച്ചമ്പലം ഹാളില്‍ വെച്ച് നടത്തുന്ന എം.കെ.പവിത്രന്‍ അനുസ്മരണ സമ്മേള വേദിയില്‍ വെച്ച് പുരസ്കാര പ്രഖ്യാപനവും വിതരണവും നടത്തും. 


രചനകൾ മെയ് 10 നകം താഴെ പറയുന്ന വിലാസത്തിൽ അയച്ചു കിട്ടിയിരിക്കണം

നന്ദകുമാരി ടീച്ചര്‍,

നമ്പ്രാട്ടില്‍

രാമങ്കുളങ്ങര ,

ടെമ്പില്‍ റോഡ്,

വെളിയത്താം പറമ്പ്

നായരമ്പലം 682509

എറണാകുളം ജില്ല

കൂടുതല്‍ വിവരങ്ങള്‍ക്ക് :

ഫോണ്‍ : 9497276896

Sunday, August 19, 2012

സര്‍ഗ്ഗവേദി വാര്‍ഷിക സമ്മേളനം



സര്‍ഗ്ഗവേദി വാര്‍ഷിക സമ്മേളനം

ഇന്ന്  ( 19 -8-2012 )സര്‍ഗ്ഗവേദിയുടെ ഒന്നാം വാര്‍ഷിക സമ്മേളനം നായരമ്പലത്തു വച്ചു നടന്നു.
എം കെ പവിത്രന്‍ അനുസ്മരണം, സര്‍ഗ്ഗവേദി അംഗം എസ് കാച്ചപ്പിള്ളി രചിച്ച കഥാ സമാഹാരം " ഒരു സെല്‍ഫ് ഫിനാന്‍സിങ്ങ് പഠനത്തിന്റെ കഥ" എന്ന പുസ്തകത്തിന്റെ  പ്രകാശനം,
ബൂലോകം കഥാ അവാര്‍ഡ് ലഭിച്ച മനോരാജിനുള്ള ഉപഹാരസമര്‍പ്പണം എന്നിവയായിരുന്നു സമ്മേളന വേദിയിലെ പ്രധാന പരിപാടികള്‍.

 ശ്രീ .ശ്രീ എം കെ പവിത്രന്‍ സാറിന്റെ ആത്മസുഹൃത്തും,കവിയും നിരൂപകനുമായ ശ്രീ പൂയപ്പിള്ളി തങ്കപ്പന്‍ , അര്‍ഹമായരീതിയില്‍ അറിയപ്പെടാതെ പോയ തന്റെ സുഹൃത്തിന്റെ വാഗ്മയ ചിത്രം വരച്ചു കൊണ്ട് അനുസ്മരണം നടത്തി. ശ്രീ ധര്‍മ്മന്‍ തച്ചങ്ങാട്ട്, ഷാജി നായരമ്പലം എന്നിവര്‍ അനുസ്മരണ കവിതകള്‍ അവതരിപ്പിച്ചു.

http://www.4shared.com/mp3/JL55Nglq/smaraNaanjali.html?refurl=d1url

തുടര്‍ന്ന് , പുസ്തകപ്രാശനവും പുരസ്കാര ദാനവും സിപ്പി പള്ളിപ്പുറം നിര്‍വഹിച്ചു. പ്രകാശനം ചെയ്ത പുസ്തകം ശ്രീ വി എസ് രവീന്ദ്ര നാഥ്  സ്വീകരിച്ചു. എസ് കാച്ചപ്പിള്ളി നന്ദി പറഞ്ഞു.

സര്‍ഗ്ഗവേദിയുടെ  പുതിയ പ്രവര്‍ത്തക കമ്മിറ്റി അംഗങ്ങള്‍ താഴെ പറയുന്നവരാണു്‌.

ഉപദേശക സമിതി

ഡോ. കെ കെ ഉസ്മാന്‍
ബാലകൃഷ്ണന്‍ മാസ്റ്റര്‍, കണ്ടാരത്ത്
വി എസ് രവീന്ദ്രനാഥ്
നന്ദകുമാരി ടീച്ചര്‍
ഷൈന്‍ മോന്‍

പ്രവര്‍ത്തക കമ്മിറ്റി

പ്രസിഡണ്ട്     : ശിവദാസ് നായരമ്പലം
വൈസ് പ്രസി : കെ കെ ഉദയഭാനു മാസ്റ്റര്‍
സെക്രെട്ടറി      : പി ജോതിമോള്‍
ജോ സെ.         :  ധര്‍മ്മന്‍ തച്ചങ്ങാട്ട്
ഖജാന്‍ ജി:       :   ഷാജി നായരമ്പലം
ബാലവേദി കണ്‍വീനര്‍ : എം സി അമ്മിണി ടീച്ചര്‍

കമ്മിറ്റി അംഗങ്ങള്‍
അഡ്വക്കേറ്റ് മധുസൂധനന്‍
ബാലന്‍ വൈദ്യര്‍
ജയദേവന്‍
മനോരാജ്
ജാനകി
ശശി

സമ്മേളന പരിപാടികള്‍ ഉച്ചക്ക് മൂന്നു മണിക്ക് ആരംഭിച്ചു വൈകീട്ട് ആറു മണിക്ക് അവസാനിച്ചു

Saturday, July 28, 2012

അവാര്‍ഡുകള്‍ കരുവാടുകള്‍!

 ഇതൊന്നു നോക്കിയേക്കു .... അവാര്‍ഡുകള്‍ കരുവാടുകള്‍!

http://www.sathyamonline.com/sathyam/inners.php?newsid=sahithyam&id=2

Thursday, June 21, 2012

സ്മരണാഞ്ജലി

സര്‍ഗ്ഗവേദിക്ക് സദാ ഊതിയൂതി ഉണര്‍വും ഊര്‍ജ്ജവുമേകിയിരുന്ന
ശ്രീ എം കെ പവിത്രന്‍ , നായരമ്പലം
യശശ്ശരീരനായിരിക്കുന്നു.
ഒരു

സ്മരണാഞ്ജലി

ഇല്ലിനിയൊരിക്കലും
ഞങ്ങളിലറിവിന്റെ
ഫുല്ല സുസ്മേരങ്ങളെ-
ത്തൊട്ടുണര്‍ത്തുവാനങ്ങ്
ഉമ്മറക്കോലായിലെ
സര്‍ഗ്ഗ സല്ലാപങ്ങളായ്,
അമ്മനോഹരം തവ
വാഗ് വിലാസമായ് വീണ്ടും
വന്നിരിക്കുകില്ല ഹാ!
ശൂന്യമാമിരിപ്പിടം
തന്ന നൊമ്പരത്തിനെ
യെങ്ങനെ വരച്ചിടാന്‍...

കണ്ണിലെയറിവിന്റെ
യത്യപാരമാം വെട്ടം
മുന്നിലെത്തിയോര്‍ക്കായി
തന്നു പോന്നതും, ഞങ്ങള്‍-
ക്കക്ഷരങ്ങളെ സ്വയം
തൊട്ടുണര്‍ത്തുവാന്‍ വേണ്ടു-
ന്നുള്‍ക്കരുത്തുമായങ്ങു
നിന്നതും സ്മരിക്കവേ,
ഉള്ളിലായ് നടുക്കത്തിന്‍
മിന്നലൊന്നൊടുങ്ങുന്നൂ;
വന്നു പോയതോ വാക്കിന്‍
തമ്പുരാന്‍, നമോസ്തു തേ!